Bilde av Diehtosiida, parkering og Guovdageaidnu
skábmamánu 14. beaivi 2017

Miellagiddevaš seminárabeaivvit allaskuvllas

PhD bagadallanseminaras

  • 14.11.17  Bagadallanseminára
    Odne dollet Gielladieđagoađi doavttirgrádahasat logaldallamiid iežaset doavttirgrádadutkamušaid birra bagadallansemináran. Dát bagadallanseminára lea professor emeritus Ole Henrik Magga ávvudoaluid oassin.
     

  • 15.11.17  Ávvuseminára
    Ihttin ávvudit Sámi allaskuvlla vuosttaš professora ja Sámedikki vuosttaš presideantta Ole Henrik Magga 70. riegádanbeaivvi seminárain. Semináras guorahallat Magga doaimmaid sámi gielladutkin, alit oahpu ovddideaddjin, sámepolitihkkárin ja eamiálbmogiid olmmošvuoigatvuođaid ovddideaddjin.
     

  • 16.11.17  Sámi statistihkka fágaseminára
    Ja duorastaga ávvudit Fágalaš analysajoavkku mii lea 10 jagi doaibman ja lágidat dan oktavuođas statistihkkaseminára Diehtosiiddas, Guovdageainnus. Ulbmil seminárain lea loktet beroštumi sámi statistihkkii, ja oažžut áddejumi mo dan sáhttá ávkkastallat. Semináras almmuhuvvo Sámi logut muitalit 10, ja almmuhuvvo maiddái ođđa ruovttusiidu.

     
  • 16.11.17  Arkiivabeaivi
     Sámi allaskuvlla ovttasbargá Sámi arkiivvan, Guovdageainnu gilišiljjuin ja IKA Finnmárkku IKS:an lágidit arkiivabeaivvi man fáddá lea "internáhttaeallin Finnmárkkus". Logaldallamat, čájehus ja dát lágiduvvo Guovdageainnu gilišiljus. 


Bures boahtin!