čakčamánu 14. beaivi 2021

SSO ohca studeanttabargi

SSO`as lea rabas 20 – 40 % studeanttabargi virgi mas álgin lea farggamusat.
SSO galgá virgádit studeantta gii galgá bargat studeanttaid sosiála fálaldagaiguin, omd. lagidit quiz, bingo, studeantta deaivvademiid, tuvrraid ja eará suohtasiid.

Vuosttažettiin lea bargu olggos čakčalohkanbaji 2021, muhto doaibma sáhttá guhkiduvvot olles 2021-2022 oahppojahkái. Jus ii sahte bargat fásta de lea maid vejolaš gulahallat ja heivehit barggu.

Virggi barggut:
Plánet ja čađahit studeantta sosiála doaimmaid
Bargat diehtojuohkimin fálaldagaid birra
Ovttasbargu studeanttastivrrain
Eará relevánta barggut dan oktavuođas

Gáibádus virgái
Sámi allaskuvlla studeantta

Mii fállat
Miellagiddevaš barggu mii addá buori bargovásáhusa
Bálkká tariffa mielde

Sáddes oanehis ohcama, CV ja relevántta dieđut e-postii: sso@ssosamas.no
Eanet dieđuid oaččut go válddát oktavuođa SSO direktevrain
Ole Anders Skum 91811499 ole.skum@ssosamas.no

Ohcanáigemearri: 17.09.2021

 

SSO ruovttusiidu: SSO – For studenten (ssosamas.no)