Sámi allaskuvlla ođđa stivra
Dál lea Sámi allaskuvlii nammaduvvon ođđa stivra 1.8.23-31.7.27 áigodahkii. Universitehta- ja allaskuvlalága §9-4 vuođul nammadit Máhttodepartementta ja Sámediggi goabbánai guokte fástalahttu ja ovtta várrelahttu.
Sámediggi lea nammadan:
- Mette Anti Gaup
- Idar Peder Kintel
- Sara Marja Magga lea várrelahttu.
Máhttodepartementta lea nammadan:
- Toril Johansson
- Tor Saglie
- Christina Storm Mienna lea várrelahttu.
Sámi allaskuvlla bargit leat válljen čuovvovaš stivralahtuid áigodahkii 1.8.23 – 31.7.27. (UH-lága § 9-4 (1)):
Fásta fágavirggehasaid válgabiires:
- Mai Britt Utsi
- Lovisa Mienna Sjöberg lea várrelahttu.
Teknihkalaš ja hálddahuslaš virggehasaid válgabiires:
- Berit Anne A. Sara Triumf
- Lisa Baal lea várrelahttu.
Gaskaboddosaš fágavirggehasaid válgabiirres (Gaskaboddosaš fágavirggehasat válljejuvvojit jahkásaččat, (UH-lága § 9-4 (2)):
- Ole Anders A. Turi
- Sini Kristina Rasmus lea várrelahttu.
Studeanttat válljejit guokte fástalahtu + várrelahtuid čakčat 2023.
Studeanttat válljejuvvojit jahkásaččat, (UH-lága § 9-4 (3))
Rektor ja prorektor leaba válljejuvvon ovdal bargiidválgga.
- Rektor Liv Inger Somby. Rektor lea stivrra jođiheaddji, UH-lága § 10-2 (a.)
- Prorektor Sámmol Valkeapää. Stivrra nubbinjođiheaddji seamma § vuođul.
Allaskuvlastivrras leat 11 stivralahtu. Dál leat 9:s sajis ja váilot dušše guokte studeanttaid áirasa.
