Norsk Tjenestemannslag

Logotype for Norsk Tjenestemannslag

OADJEBASVUOHTA JA OVDÁNEAPMI BARGGUS LEA DEHÁLAŠ BUOHKAIDE

Min bargu lea fuolahit ahte don vásihat ahte barggat dorvvolaš bargosajis ja buori bargobirrasis.
Mii oaivvildit ahte dus galgá leat dohkálaš bálká ja bargoáigi.
 

MIS LEA NANA SERVODATBEROŠTUPMI

Midjiide lea dehálaš ahte buohkat besset eallit dorvvolaš ja vuoiggalaš servodagas. Danne mii árjjalaččat geahččalit ovddidit ja ođasmahttit čálgoservodaga, ja danne lea ge mis riikkaidgaskasaš servodatberoštupmi.
 

SEARVÁLAGAID RIIKKAORGANISAŠUVNNA (LO) 900 000 EARÁ MIELLAHTUIN MIS LEA EAMBBO DADJAMUŠ! 
 

MII NTL LEA?

NTL lea fágasearvi mas leat sullii 50 000 miellahtu. Ollugat min miellahtuin barget stáhtas. Mis leat miellahtut guđet barget arvat eará doaimmahusain ge. Bargosaji buot bargit sáhttet leat miellahtut, beroškeahttá das mii oahpuid ja mii virggiid sis leat.
NTL fállá sierra miellahttovuođa maiddái studeanttaide ge geat leat váldimin oahpu allaskuvllain ja universitehtain. 
 

MAID NTL ÁIGU? 

NTL geahččala oaččohit áigái buori doaibma- ja hálddašanovdáneami mas kvalitehta lea guovdilis ulbmil. Ulbmil min bargguin lea maid gávdnat buori bargiidpolitihka mas lea vejolaš buoridit bargiid gelbbolašvuođa.
NTLa áigumuš lea ovddidit ovddasvásttolaš bálkápolitihka mii fuolaha sin ge guđet leat čađahan guhkesáigásaš oahpu.
 

IT DÁRBBAŠ OKTO LEAT!

Bargosajiin miehtá Norgga NTLas leat 3 000 luohttámušolbmo. Sii leat bures oahpahuvvon ja sáhttet du veahkehit go don dárbbašat veahki, ovdamearkka dihtii jos du bargodilis čuožžilit váttisvuođat maiguin don illá hálddašat. 
 

NTL-MIELLAHTTUN DUS LEAT OLLU OVDDUT

  • Sihkkarvuohta bálká- ja bargodilálašvuođaid hárrái 
  • Mearridan- ja váikkuhanvejolašvuohta iežat bargosajis ja bargobirrasis
  • Kurssat nuvttá NTLa, LOa, Stáhta ja AOFa olis
  • Juridihkalaš veahkki nuvttá jos gárttat váttisvuođaide iežat bargodilis
  • Dutnje lea vejolaš ohcat oahppostipeandda
  • Norgga buoremus stohpogálvodáhkádus ja oiddolaš mátkedáhkádus
  • Eanet oiddolaš dáhkádusaid ja eará miellahttoovdduid fálaldagat, geahča www.lofavor.no

 

GÁNNÁHA SEARVAT FÁGASEARVVI MIELLAHTTUN!

NTL-miellahttun don beasat leat mielde buorideamen ealáhuseallima ovttas 50 000 berošteaddji bargoguimmiiguin.
Dieđit iežat miellahttun odne! www.ntl.no/innmelding

 

BURESBOAHTIN MIN SEARVÁI!

 

NTL Sámi allaskuvllas lea čuovvovaš stivra jagi 2017 rájis:

Inger Marie Gaup - Stivrajođiheaddji
Inga Berit Sara - Nubbin jođiheaddji ja ruhtadoalli
Sara Anne Gaup - Čálli

 

NTL 116-4 Avd. Samisk høgskole Kautokeino
Org.nr. 996 835 618
+47 78 44 84 00

Facebook: NTL Sámi allaskuvla