AIDA II

Arctic Indigenous Design Archives (AIDA) lea guovttejahkásaš Interreg-ruhtaduvvon arkiiva- ja ovdánahttinprošeakta man Ájtte musea Johkamohkis, Sámi arkiiva Anáris ja Sámi allaskuvla Guovdageainnus ovttas jođihit.

Prošeavtta ulbmil lea nannet ja čalmmustahttit sámi kultuvrralaš ovdanbuktimiid ja dan dahkat go bargat ovttas duojáriiguin, dáiddáriiguin ja eará kulturbargiiguin. Prošeakta váldá vuođu duojáriid ja dáiddáriid arkiivvain mat leat čohkkejuvvon AIDA I prošeavttas. Okta mihttu prošeavttas lea geahččat ja evttohit ođđa čájehanvugiid main lea eamiálbmogiid vásáhus oidnosis.

Sámi allaskuvlla bealis lea professor Gunvor Guttorm AIDA II stivrenjoavkkus, ja Laila Susanna Kuhmunen lea prošeaktabargi.