IndigMEC2 konferánsa

Konferánsa lágiduvvo Guovdageainnus Norggas golggotmánu 14.-16. beivviid 2024

IndigMEC lea deaivvadanbáiki olbmuide geat beroštit eamiálbmotmatematihkkaoahpahusas miehtá máilmmi; oahpaheddjiide, váhnemiidda, oahpaheaddjestudeanttaide, masterstudeanttaide ja dutkiide.

Guovdageaidnu. Photo: Pål Norvoll.

Konferánssa ulbmil lea oahpaheddjiide ja dutkiide buktit ovdamearkkaid mat sáhttet doarjjan álgoálbmotmatematihka oahppoplánaid ráhkadeapmái. Dát mearkkaša ahte konferánsaoasit berreše čadnon muhtin konferánssa váldofáddái:

(a) kultuvrra ja giela oktavuohta,
(b) eamiálbmotgiella matematihkkaoahpahusas,
(c) ovdamearkkat sámi ja kveana matematihkkaoahpahusas.

Vurdojuvvo ahte juogadit iešguđetge eamiálbmogiid ovdamearkkaid ja jurdagiid matematihkkaoahpahusas lea doarjjan ovddidit buriid fágalaš ákkaid  boahttevaš álgoálbmotmatematihkkaoahpahusa duddjomii.

Konferánsa lea huksejuvvon oktasaš logaldallamiiguin, plakáhta čájehemiiguin, oahpaheaddjeovdanbuktimiiguin, artihkalovdanbuktimiiguin ja árrangáddeságastallamiiguin.

Sámediggi searvá konferánsii go atnet dehálažžan sihkkarastit ahte sámi giella ja kultuvra lea vuođđun skuvlla matematihkkaoahpahusas.

Konferánssa fokus: Eamiálbmogiid oahppoplánaovddideapmi – Eamiálbmogiid giela ja matematihkkaoahpahusa ovddideapmi

Báiki: Diehtosiida, Guovdageainnus

Gulahallančujuhusindigmec2024@samas.no

Dieđit konferánsii (virji)

Hattit: Árra dieđiheapmi 15.08.2024 rádjái: 2 300 NOK
          Dábálaš haddi 16.08.2024 - 25.09.2024: 2 700 NOK
          Studeanttat: 750 NOK
          Oahpaheaddjit: 750 NOK

Guovdageaidnu lea Davvi-Norggas, Skandinávias. Lagamus girdihápman lea Álttás, Norggas. Orrun: Thon hotealla, Guovdageaidnu.

Konferánssa gielat

Konferánssa gielat leat davvisámegiella ja eaŋgalasgiella. Ovdanbuktimat dulkojuvvojit zooma bokte, nu ahte oasseváldiin ferte mielde mátketelefovdna dahje dihtor ja vel bealljebilttut. Ovdanbuktimat julevsámegillii ja lullisámegillii dulkojuvvojit eŋgelasgillii ja davvisámegillii.