PhD - Prográmma

Sámegiela ja sámi girjjálašvuođa doavttirgrádaoahppu

Doavttirgráda lea dat alimus akademalaš oahppu maid sáhtát olahit. Sámegiela ja girjjálašvuođa doavttirgráda addá dutnje earenoamáš alla gelbbolašvuođa fáttas.

 

Deaivvadanplána: TimeEdit 


Manne doavttirgrádii?
Doavttirgrádaprográmma addá dutnje gelbbolašvuođa sámegiela ja sámi girjjálašvuođa dieđalaš dutkamii ja bargguide mat gáibidit alimus dási áššedovdamuša dáin surggiin.

Sámi allaskuvllas lea nanu ja viiddis fágalaš gelbbolašvuohta sámegielfágas. Don beasat oahppat fágabirrasis gos lea earenoamáš alla fágalaš ja pedagogalaš dássi. Nanu fágalaš biras oahpposuorggis addá oadjebasvuođa oahpu hárrái.

Oahppu bistá golbma jagi ja lea ollesáiggeoahppu. Doavttirgrádaoahpu deháleamos oassin lea iehčanas dutkanbargu, mii čađahuvvo aktiivvalaš bagadallama vuolde.

Go gearggat oahpuin, de lea dus vejolašvuohta bargat earret eará dutkin ja áššedovdin sámegielas. Álgge doavttirgrádaohppui maŋŋil masteroahpu ja vállje fáttá sámegiela ja girjjálašvuođa siskkobealde mii áŋgiruššá du!
 

Sisabeassangáibádusat
Dus galgá leat relevánta golmma jagi bacheloroahppu ja guovtti jagi masteroahppu, man gaskamearálaš árvosátni lea unnimustá B. Prográmmastivra sáhttá ásahit erenoamáš eavttuid ovdamearkan nu, ahte ohcci čađaha sierra kurssa ja/dahje geahččaleami ovdal go beassá sisa prográmmii.

Ruhtadeapmi
Sisabeassama eaktun lea dievaslaš ruhtadeapmi soahpamušáigodahkii, namalassii golmma jagi ollesáiggeohppui. Dábáleamos ruhtadeapmi lea stipendiáhttavirgi.

Stipendiáhttavirgi
Kandidáhtta geas lea Sámi allaskuvlla stipeanda, virgáduvvo gaskaboddosaš stipendiáhtavirgái. Stipendiáhtavirggi dábálaš áigodat lea 3 jagi, dahje jus virgái gullá bargogeatnegasvuohta (oahpahusbargu), de 4 jagi. Stipendiáhtavirggit čatnasit dan fágii, fágasuorgái, prošektii dahje ovttadahkii, mii almmuha daid ohcanláhkái
 

Oahpu viidodat lea 180 oahppočuoggá, ja daid ráhkadus lea čuovvovaš:

Oktasaš oassi (20 oč):

  • SÁM 400 Dieđateoriija (5 oč)
  • SÁM 401 Etihkka, eamiálbmotdiehtu ja -metodologiija (10 oč)
  • SÁM 402 Akademalaš čállin sámegillii (5 oč) 

Váljakurssat (unnimustá 10 oč):

  • SÁM 403 Sámegiela dutkama teorehtalaš ja geavatlaš perspektiivvat (10 oč)
  • SÁM 408 Sámi sosiolingvistihkka máilmmiviidosaš konteavsttas (10 oč)
  • SÁM 405 Sámi nammadutkan oassin eamiálbmotonomastihkas (10 oč)
  • SÁM 406 Sámi girjjálašvuođadutkan oassin eamiálbmot- ja unnitlogugirjjálašvuođas (10 oč)

Ohcanskovvi ovttaskas oahpuide ja váljakurssaide

Dutkanoassi (150 oč)

  • ​SÁM 407 Dutkanoassi (150 oč)

Oktavuođadieđut:

Diehtu ovdalgo ozat
Filesize: 15 KB
Doavttirgrádaprográmma ohcanskovvi
Filesize: 96 KB
Doavttirgráda ovttaskas kurssaid ohcanskovvi
Filesize: 92 KB
Sámi allaskuvlla filosofiija doavttirgráda láhkaásahus
Filesize: 56 KB
Forskrift om graden philosophiae doctor ved Samisk høgskole
Filesize: 44 KB
Njuolggadusat Sámi allaskuvlla doavttirgrádaprográmmii sámegielas ja sámegiela girjjálašvuođas - nu go sáddejuvvojedje NOKUT:i 2013:s.
Filesize: 409 KB
Sámi allaskuvlla filosofiija doavttirgráda láhkaásahus
Filesize: 305 KB
Filesize: 626 KB

Sisabeassangáibádusat

Vai beasat sisa Sámi allaskuvlla doavttirgrádaprográmmii, dus galgá leat relevánta golmma jagi bacheloroahppu ja guovtti jagi masteroahppu, man gaskamearálaš árvosátnin lea unnimustá B, dahje vástideaddji oahppu, man prográmmastivrra lea dohkkehan.

Prográmmastivra sáhttá ásahit erenoamáš eavttuid ovdamearkan nu, ahte ohcci čađaha sierra kurssa ja/dahje geahččaleami ovdal go beassá sisa prográmmii.

Ruhtadeapmi: Sisabeassama eaktun lea dievaslaš ruhtadeapmi soahpamušáigodahkii, namalassii golmma jagi ollesáiggeohppui. Dábáleamos ruhtadeapmi lea stipendiáhttavirgi.

Koordinator

kaisarh's picture
Helander, Kaisa Rautio
Phone: 
E-mail: 
Kaisa-Rautio.Helander@samiskhs.no