golggotmánu 06. beaivi 2017

Suovvahádja ja giellalávgun

Sámi allaskuvla geasuha jahkásaččat olu studeanttaid sámegieloahppamii.

Okta dain lea UiT professor Britt Kramvig. Son bargá dábálaččat Norgga árktalaš universitehtas Romssas. 
Dán čavčča son lea Sámi allaskuvlii álgán oahppui Davvisámegiella praktihkalaš dilis.

Ja praktihkalaš dilis oahppáge giela bures čállá Britt Kramvig iežas bloggas: 

Loga Kramviga blogga giellaoahpu birra (dárogillii).

Britt Kramvig

Daga nu movt Britt Kramvig, álgge studeantan Sámi allaskuvlii!

Sámi allaskuvlla fállá sámegiela álgooahpu álggahalliide, geat eai máhte hupmat eaige čállit sámegiela. Álgooahppu sáhttá maid heivet sidjiide, geat leat gullan sámegiela, muhto eai huma. Oahppu deattuha sámegillii gulahallama ja ovttasbarggu studeanttaid gaskkas. Studeanttat besset hárjehallat hupmat sámegiela iešguđetlágan beaivválaš diliin.