GUOVDAGEAIDNU-MAID

Duorastaga 5.12 dii 18.00 lágiida Dáiddadállu, Sámi allaskuvla ja Guovdageainnu suohkan ságastallama dehálaš fáttá birra, Diehtosiidda kantiinnas.

Dáiddadállu geavaha dáidaga čalmmustahttit servodaga hástalusaid ja bovde ságastallamii. 2019 lágiduvvui SápmiToo-konferánssa mii dáidaga, musihka, filmma, logaldallamiid, panelaságastallamiid ja slampoesiija bokte čalmmustahtii veahkaválddálašvuođa, seksuála illasteami ja sohkabealrollaid Sámis. Sámi allaskuvla váldá juohke jagi vuostá studeanttaid Guovdageidnui ja midjiide lea deaŧalaš hábmet oadjebas ja fátmmasteaddji oahppobirrasa.

Dán čavčča lea digaštallan veahkaválddálašvuođa ja illastemiid birra Sámis fas leavvan mediain. Inspiserejuvvon SápmiToo:s, bovdet mii, Dáiddadállu, Sámi allaskuvla ja Guovdageainnu suohkan, vuot ságastallamii veahkaválddi ja seksuálalaš illastemiid birra, ja mo mii ovttas sáhttit váikkuhit oadjebasa Sápmái, danne go mii jáhkkit ahte ovttas mii sáhttit váikkuhit dasa ahte jávkadit tabuaid, ja ahte mii ovttas nanusmuvvat.

Lágideapmi dulkojuvvo. Dulkkat leat zoom bokte, ja dii dárbbašehpet smart-telefovnna, iPad dahje dihtora, ja vel bealljebilttuid nu ahte sáhttibehtet gullat dulkoma.  
Dus ferte leat zoom app nu ahte beasat dulkonbálvalussii.

Arrangementet tolkes. Tolking er via zoom, og dere behøver en smart-telefon, iPad eller PC, og øretelefoner/øreplugger slik at dere kan høre tolkingen.  
Du må ha zoom app for å få opp tolketjenesten.

Prográmma: 

18:00 Bures boahtin - Anne-Marie Gaino (Sámi allaskuvla) ja Dine A Fenger Lynge (Dáiddadállu)

18:10 Dáiddalaš ovdanbuktin - Hildá

18:20 Spoken word - Ida Helene Benonisen

18:30 Panelaságastallan - Mo mii hábmet oadjebas Sámi? Studeantastivrra jođiheaddji Lemet Máhtte Eira Sara jođiha ságastallama.

Oassálastit: Liv Inger Somby (Sámi allaskuvlla rektor) Risten Biret Elle Eira (Guovdageainnus suohkana suohkanpsykologa) Nils Johan Heatta (dearvvašvuođa, fuolahus ja sosiála váldolávdegotti jođiheaddji Guovdageainnu suohkanis), Anders Samuelsen Buljo (Guovdageainnu suohkana sátnejođiheaddji)

19:20 Čoahkkáigeassu ja dáiddalaš ovdanbuktin ja videodearvvuođat Mari Boines

Gáfestallan biepmuin

BURES BOAHTIN!