Symposia
02. februar, 08:30 til 03. februar, 16:00

Samesymposia

Sámegiela ja sámi girjjálašvuođa dutkan- ja bagadansymposia 2.–3.2.2016 Romssas

 

Symposia prográmmas  leat 2 bovdejuvvon logaldalli ja 24 sáhkavuoru mat laktásit sámegiela ja sámi girjjálašvuođa dutkamii viiddes mearkkašumis.

UiT Norgga árktalaš universitehta, Sámi allaskuvla ja Oulu universitehta Giellagas-instituhtta bovdejit buot sámegiela ja sámi girjjálašvuođa dutkiid, studeanttaid ja eará berošteddjiid searvat symposiai, mii lágiduvvo UiT Norgga árktalaš universitehtas Romssas 2.–3.2.2016. Oktasaš sámesymposiat leat lágiduvvon jagi 1993 rájes, ja daid ulbmilin leamaš álggu rájes čohkket sámegiela ja sámi girjjálašvuođa dutkiid ja doavttirgráda- ja masterstudeanttaid iešguđege guovlluin.

Symposia bovdejuvvon logaldallit:

Hanna Outakoski, Ubmi universitehta: Sámegielat čálamáhtu máŋggat hástalusat Ruoŧas

Veli-Pekka Lehtola, Giellagas-instituhtta, Oulu universitehta: ”Dego livččen oaidnán iežan.” Sámiid sámegovat dahjege representašuvnnat ođđa jahkeduháhis

  • Dieđihanáigemearri: 18.1.2016

Dieđit iežat symposiai Via Egencia registrerenportálas čujuhusas https://viaregi.revio.no/ParticipantWeb/Registration/46689?bookingRef=0.

Oasseváldidivat lea 500 NOK, studeanttaide 200 NOK. Oasseváldidivat sisttisdoallá symposia káfiid, guokte beaiveborrama ja mállásiid 2.2. Mii leat várren idjadansajiid Clarion The Edge hoteallas 1.–4.2.2016. Hoteallalatnja máksá 1197 ruvnno idjii ja dan sáhttá diŋgot ja máksit go dieđiha iežas symposiai.

Symposia maŋŋá, 4.–5.2.2016, UiT:s lágiduvvo maiddái eŋgelasgiel bargobádji “Formal Approaches to Sámi Languages”, man birra gávnnat eanet dieđuid čujuhusas https://castl.uit.no/index.php/conferences/formal-approaches-to-sami-languages.

  •       Symposijumen barkoegïelh leah gaajhkh saemiengïelh. Buerie båateme!
  •       Symposian bargguogielah leäh gájkah sámiengielah. Buerestbåhtieme!
  •       Symposiuma barggogiela le divna sámegiela. Buoris boahtem!
  •       Symposia bargogielat leat buot sámegielat. Bures boahtin!
  •       Symposium pargokielah láá puoh sämikielah. Pyereest puáttim!
  •       Symposiuum tuejjǩiõl liâ puk sää´mǩiõl. Pue´tted tiõrvân!
  •       Симпозиум лыххкэм кӣл ле̄в пугк са̄мь кӣл. Пуэдтӭ тӣррвэнҍ!

Symposia lágideddjiid bealis

Lene Antonsen, UiT Norgga árktalaš universitehta
Berit Nystad Eskonsipo, UiT Norgga árktalaš universitehta
Lill Tove Fredriksen, UiT Norgga árktalaš universitehta
Laila Susanne Oskarsson, UiT Norgga árktalaš universitehta
Jussi Ylikoski, UiT Norgga árktalaš universitehta
Outi Guttorm, Sámi allaskuvla
Marjatta Jomppanen, Oulu universitehta

Lágideaddjijoavkku oktasaš e-poastačujuhus: samesymposia2016@list.uit.no