Gietkkama ja wahakura kultuvrralaš mearkkašupmi buresveadjimii
Sámi allaskuvlla duodjeprofessor Gunvor Guttorm lea duvle leamaš guokte vahku Aucklandas, Aoteaoras gos son lea searvan logaldallin ITP Research Symposium 2024 ja maiddái ráhkadan ja ovdanbuktán gietka- ja wahakuračájáhusa.
- Moai Berit Kristine Andersen Guvsámain letne árabut dán jagi leamaš mielde čájáhusprošeavttas mii lea gohčoduvvon Architecture of Aroha. Lea maori vahakura (mánágore) ja sámi gietkama birra ovttasbargu, mas leat geahččan sullasašvuođaid ja erohusaid das mo mii áddet min birrasa, sihke sosiálalaš ja min meahccebirrasa, go duddjot gietkama ja maid dat mearkkaša buresveadjimii, čilge Gunvor Guttorm.
Ovttasbargu lea leamaš erenoamážit gaskal Tanya White, Berit Kristine Andersen Guvsám ja Gunvor Guttorm gaskkas, go sii leat duddjon wahakura ja gietkama. Lea Object space nammasaš galleriija Aucklandas ja Norvegian Crafts mii lea álggahan ovdabarggu dán prošektii. Diimmá dálvvi dolle čájáhusa Luleåbiennalenis Lulejus, Ruoŧas. Dan oktavuođas barge allaskuvllas gos ráhkadedje maid filmma. Maŋŋil de bovdii Object space doallat čájáhusa maiddái Aucklandas.
Aotearoas lea Guttorm duddjon ovttas maori duojáriin Ngaroma Rileyin gii lea veahkehan duddjot gietkkavuođu maid de lea sistan ja mii dál čájehuvvo Object spacas. Gunvor Guttorm ja Tanya White, gii lea lektor Unitecas (mii lea teknihkálaš allaskuvla mas maiddái lea designa ja dáiddasuorgi) leaba ovdanbuktán prošeavtta ITP Research Symposium 2024.
Dá lea Ođđa Zelánddas/Aotearoas maori ođđasiin ášši čájálmasas:
