Rabas virggit

Sámi allaskuvllas lea dál golbma virggi ohcanládje:

Doavttirgrádastipendiáhttavirgi sámegielas ja sámi girjjálašvuođas, álgin 1.1.25

• Virgi lea jahkemearrevirgi ja stipendiáhttavirgeáigodat lea golbma (3)  jagi, vejolaččat njeallje (4) jagi. Jus virgáiduvvo njealji jahkái, de lea 25 % áigodagas čadnon geatnegahtton bargguide stipendiáhta fágasuorggi siskkobealde. Ovddeš virgáibidjan dutkanstipendiáhttan dahje eará vástideaddji rekruterenvirggehassan rehkenastojuvvo mielde stipendiáhttaáigái nu ahte oppalaš áigi dutkanohppui šaddá golbma jagi.
• Doavttirgrádaprošeavttas galgá leat relevánsa Sámi allaskuvlla girjjálašvuođa- ja/dahje giellaoahpuide ja dutkamii.
• Stipendiáhttavirgi lea várrejuvvon sámi girjjálašvuođa dutkamii, muhto jus eai boađe ohccit girjjálašvuođa dutkamii de sáhttá virgáduvvot giellasuorgái.
• Virggi gullevašvuohta organisašuvnnas sáhttá rievdat organisašuvdnanuppástuhttimiid geažil

Ohcanáigemearri lea geassemánu 23. beaivvi 2024.

Olles almmuhusteavstta gávnnat jobbnorge.no siiddus Doavttirgrádastipendiáhttavirgi sámegielas ja sámi girjjálašvuođas (261757) | Sámi allaskuvla (jobbnorge.no)

Guokte virggi mat leat ovdal leamaš almmuhuvvon:

Vuosttaškonsuleanta/ráđđeaddi ekonomiijaossodagas (guhkiduvvon ohcanáigemearri):

Virgái gullet earret eará čuovvovaš barggut:

• Bargat Sámi allaskuvlla rehketdoallobargguid
• Doarjut prošeaktajođiheddjiid ja prošeaktabargiid bušeahtaid- ja rehketdoalloraporttaid ektui
• Ráhkadit ekonomiijaplánaid ja bušeahtaid
• Gozihit ahte BOA doaimmat (olggobealde ruhtaduvvon doaimmat) čađahuvvojit almmolaš njuolggadusaid ektui
• Rehketdoalloraporttaid ráhkkanahttit
• Doarjut systemáhtalaš gelbbolašvuođaloktema ekonomiijasuorggis
• Bušeahttačuovvoleapmi ja ekonomiijaanalysa

Ođđa ohcanáigemearri: geassemánu 10.b. 2024

Julevsámegiel ráđđeaddi - 2. gearddi almmuheapmi

Bargoviidodat virggis

Ráđđeaddi barggut leat koordineret, doaimmahit ja kvalitehtasihkkarastit Sámi lohkanguovddáža fágalaš bargguid ovttas earáiguin. Julevsámi ráđđeaddi virgái gullet erenoamážit dát doaimmat:

• bagadallat julevsámi oahpahusáššiin ja gulahallat julevsámi oahpahussurggiin.
• hutkat ja ovdánahttit veahkkeneavvuid ja doarjjaresurssaid julevsámegiel oahpahussii, sihke njálmmálaš ovdáneami, lohkama ja čállima váste.
• jorgalit teavsttaid julevsámegiela ja dárogiela/eŋgelasgiela gaskkas, ja áinnas ovtta eará sámegielas julevsámegillii.
• heivehit ja kvalitehtasihkkarastit julevsámegiel teavsttaid.
• searvat Sámi lohkanguovddáža ja muđui Sámi allaskuvlla prošeavttaide dárbbu mielde.

Virggi sajádat organisašuvnnas ja bargoviidodat sáhttá rievdat organisašuvdnanuppástuhttimiid geažil.

Ohcanáigemearri: geassemánu 25.b. 2024