Sámi allaskuvllas leat guhtta ollesáiggi virggi ohcanládje, sihke bistevaš ja gaskaboddosaš virggit. Loga eambbo:
Ođasvuorká
Mánáidgárdekonferánsa lea maŋiduvvon giđđii
Mii leat ovttasráđiid Romssa ja Finnmárkku Stádahálddašeddjiin mearridan maŋidit Sámi mánáidgárdekonferánssa.
Sámi mánáidgárdekonferánsa lágiduvvo dasto miessemánu 4.-5.b. 2022, Diehtosiiddas, Guovdageainnus.
Sáhkavuorru podcasttas ilbmet ođđa sáddagat
Sámi allaskuvlla podcast Sáhkavuorru, mas prográmmajođiheaddjeguovttus Harald Gaski ja Per-Josef Idivuoma ságastallaba sámi dutkiiguin, almmuha dán čávčča vihtta ođđa sáddaga.
Sámi allaskuvla ja Nuortta universitehta ovttasbargu
Sámi alit oahpahus ja dutkan, earenoamážit mii guoská julev- ja lullisámegielaide, kultuvraide ja servodateallimii, nannejuvvo dál strategalaš ovttasbarggus šiehtadusa bokte gaskal Nuortta universtiehta ja Sámi allaskuvlla.
Nuvttá bileahtat Inga Juuso – Tribute konsertii Sámi allaskuvlla studeanttaide
Giellavahkku oktavuođas lágiduvvo Inga Juuso – Tribute konsearta bearjadaga 29.10.21 Sámi allaskuvllas Guovdageainnus. Sámi allaskuvlla studeanttat ožžot nuvttá bileahta. Dieđit ovdal duorastaga 28.10.21.
Stuora beroštupmi Sámi oahpahuskonferánsii
Sámi oahpahuskonferánsa lea guktii maŋiduvvon korona pandemiija geažil ja disdaga de viimmat álggahuvvui golbma beaivásaš konferánsa. Konferánsa lea ovttasbargu gaskal Sámi allaskuvlla ja Sámedikki, mas prošeakta Sámi mánát ođđa searvelanjas (SáMOS-prošeavtta) lea vuolggasadji.
Dál lea vejolaš dieđihit neahttaoasseváldin Sámi oahpahuskonferánsii
Guovdageainnus, ja neahta bokte. Dál ii leat šat vejolašvuohta dieđihit fysalaš oassálastimii go leat dievvan sajit, muhto lea ain vejolaš dieđihit neahttaoassálastimii.
SSO ohca studeanttabargi
Sis-Finnmárkku studeanttaid ovttastus (SSO) ohca studeanttabargi
Ođđa vejolašvuohta ohcat Sámi allaskuvlii
Sámi allaskuvllas lea dál loahppasisaváldin guoros oahpposajiide 2021 čavčča oahpuide. Dál lea vejolašvuohta sidjiide ohcat geat ledje árvvoštallan ohcat, muhto eai ollen. Oahpuide sáhtát ohcat otná beaivvi rájes 01.09 ja loahpalaš ohcanáigemearri lea 05.09.
