August 12. beaivi 2024

Oahput maidda sáhttá ohcat 01.09.24 rádjai

Eanaš 2024 čavčča oahpuin lei ohcanáigemearri 01.08.24, muhto dáidda oahpuide lea ain vejolaš ohcat:

- Sámi vuođđoskuvlaoahpaheaddjeoahppu 1.-7. ceahki master ohcanáigemearri 01.09.2024

- Sámi vuođđoskuvlaoahpaheaddjeoahppu 5.-10. ceahki master ohcanáigemearri 01.09.2024

Oahput main oahpahus lágiduvvo olggobealde Guovdageainnu:

- PED 611-3 Andrespråkspedagogikk modul 3, Girkonjárggas ohcanáigemearri 01.09.2024

- PED 611-4 Andrespråkspedagogikk modul 4, Girkonjárggas ohcanáigemearri 01.09.2024

- SAAL 1 Sørsamisk i praktiske situasjoner - inføringsstudium 1.del, Aarbortes, ohcanáigemearri 01.09.2024

- SÁM Davvisámegiella praktihkalaš dilis - álgooahppu 1. oassi, Kárášjogas, ohcanáigemearri 01.09.2024

- SÁM Davvisámegiella praktihkalaš dilis - álgooahppu 2. oassi, Kárášjogas, ohcanáigemearri 01.09.2024

Oahput main lea oahpahus deaivvademiid bokte Guovdageainnus ja neahta bokte:

- SÁM 100 Gielladieđa ja fonetihkka, ohcanáigemearri 01.09.2024

- JUR 201 Boazoealáhusa lágat ja riektevuođđu, ohcanáigemearri 01.09.2024

Oahput mat lágiduvvojit neahta bokte:

- SAM 602 Samisk språkdidaktik med fokus på språkanvändande och berättande texter, ohcanáigemearri 01.09.2024

Sisabeassangáibádusat

Oahpuid sisabeassabeassangáibádusat čilgejuvvojit oahpuid liŋkkain dás badjelis. Váldogáibádussan beassat studeantan Sámi allaskuvlii lea oppalaš lohkangelbbolašvuohta ja eanas oahpuide gáibiduvvo vel dihto dási sámegielmáhttu. Jus dus ii leat oppalaš lohkangelbbolašvuohta, de sáhtát leat vejolaš ohcat reálagelbbolašvuođa vuođul (FUOM: Ii lea vejolaš ohcat oahpaheaddjeoahpuide reálagelbbolašvuođa vuođul).

Oppalaš lohkangelbbolašvuođa gáibádusat gávdnojit Samordna opptak siiddus.

Mii lea reálagelbbolašvuohta?

Reálagelbbolašvuohta lea gelbbolašvuohta maid leat háhkan ovdamearkka dihte fidnohárjehallamis, bálkákeahttas barggus, organisašuvdnadoaimmain, kurssain dahje eará oahppoduogážis. Ohcci bargo – ja oahppoduogáš árvvoštallojuvvo dan oahppofálaldaga gáibádusa ektui masa ohcá.

Váldogáibádussan lea:  

ahte ohcci galgá deavdán 25 jagi dahje deavdá 25 jagi dan jagi go álgá ohppui
ahte ohccis lea unnimusat vihtta jagáš bargo/oahppovásáhus
ahte ohccis gáibiduvvo dihto dási sámegielmáhttu, ja sáhttá maid gáibiduvvot dihto dási eŋgelasmáhttu ja gelbbolašvuohta eará fágain.

Reálagelbbolašvuođagáibádusat gávdnojit Sámi allaskuvlla sisaváldinnjuolggadusain.