February 27. beaivi 2017
Ođđa oahppogirji oahpaheaddjestudeanttaide
Nils Øivind Helander lea čállán ođđa girjji Sámi allaskuvlla Dieđut-ráidui. Dan namma lea Ohppojuvvon ja sohppojuvvon giella.
Sámegiella nannen- ja ovddidanbargui dárbbašuvvo giellamáhttu ja gielladiđolašvuohta. Ohppojuvvon ja sohppojuvvon giella lea jurddašuvvon oahppogirjin oahpaheaddjistudeanttaide. Girjjis guorahallojuvvo mii lea giellamáhttu ja gielladiđolašvuohta. Guovddáš fáddán lea čálamáhttu ja dan sadji skuvlaoahpahusas ja bargoeallimis.
Čálli Nils Øivind Helander searvá girjealmmuhandilálašvuhtii, mii lea njukčamánu 1. beaivvi. dii. 14:00 Diehtosiidda Árrangáttis, Guovdageainnus.
Bures boahtin!
