Ohcciid logut
Oktasaš sisaváldimis boahtá ovdan ahte:
Oahpaheaddjiohppui 1-7: 9 ohcci
Oahpaheaddjiohppui 5-10: 5 ohcci
Journalista bachelorohppui: 6 ohcci
Oktiibuot 20
Mii eat dál dieđe man dohkálaččat sii leat, ja danne eat sáhte dál oppa mearriditge ahte álggahat go daid ohapuid. Mis ferte dárkilis divaštallan das. Nu go lean ádden, de eat sáhte prográmmafágaid dahje daid oahpuid maid leat almmuhan samordna opptak bokte, ovdalgo áramusat suoidnemánus meannudit, muhto prográmmaid siskkobealde ovttasgas fágaid sáhttit.
Dasto lea:
Sámegiella master: 14 ohcci
Duodji master: 6 ohcci
Okttibuot 20
Lea hui illudahtti go ná ollugat leat ohcan sámegiellamasterii. Seamma lea maid buorre go duodjái leat 6 ohcci, go duddjon/dáiddalaš fágas lea dát alla lohku.
Bođu oahpuide lea fas ná:
Gielladieđa goahti:
Sám. Jahkeovttodat 12
SAAL 1 49
SAAL2 4
Oktiibuot 65
Servodatdieđagoahti:
Historjá: 4 ohcci
Árbediehtu: 7 ohcci
Samisk kultur- og samfunnskunnskap1 (neahtta): 6 ohcci
Oktiibuot 18
Duodji ja oahpaheaddjioahpuid goahti:
Árbevierru, duddjon ja hutkáivuohta: 6
Nubbingielat peda: 9 (Dát lea Udira kursa, nu ahte dása sáhttet leat eanet ohccit
Sámegiela bealde lea velá guokte oahppu Udiras, ja dan logut čilget ihttin, bearjadaga
Oktiibuot 15
Duojis leat studeanttat váldimin bachelora, muhto dál lea lohku menddo unni, nu ahte dása lea ain sadji. Seammá lea maid dieid eará oahpuide .
Oktiibuot min oahpuide dán jagi leat ohcan 1. vuoruhemiin 135. Diimmá ektui lea dát unnánat (diibmá ledje 170 ohcci), muhto de in leat vuhtii váldán dimmáš loguin fágaid mat leat oahppoprográmmain, dán jagi lean daid eret sirren. Dát mearkkaša ahte mis joatká njiedjat lohku. Muhto mii lea buorre, lea ahte sámegiela ja duoji masterii leat dien mađe ohccit. Sámegiela oahput leat nappo bivnnugat, ja dan oaidná maid SAAL kurssas.
Mis lea dasto bargun dál fas joatkit rekrutterema guovtti láhkai, háhkat muhtun oahpuide eanet ohcciid, ja doalahit daid geat dál leat ohcan, jus sii leat dohkálaččat. Mii han diehtit ahte ollugat dađistaga ravget eret, ja danne lea dehálaš sin doalahit ohccin. Muhto mii fertet maid árvvoštallat ahte jus eat leat áigumin bidjat searaid háhkat eanet ohcciid, de fertet árvvoštallat ahte galgat go fas daid almmuhit. Oalle fargga galgat árvvoštallat maid almmuhat.
Oppa lohkái sáhttit leat duhtavaččat, go min profiillaoahput go sámegiela fáladagaide ja duodji fálaldagaide leat ohccit, ja sámegielas erenoámáš duhtavaččat go álgooahpahus lea bivnnut ja masteroahppu lea bivnnut. Dan galgat váldit ovddasguvlui go dál evalueret min oappoprográmmaid.
GG
Gunvor Guttorm
Rektor/Rector
Sámi allaskuvla/Sámi University of Apllied Sciences
Tlf: 0047 90470193
Geahča maid dán gos rektor almmuha ohcciidloguid 15.4. (lea maiddái SA facebook siiddus)
