BA - Sierra kursa

BOA 200 Boazodoalu lágat ja riekteipmárdusat

  • Oahpahusgiella: Sámegiella ja dárogiella, sáhttá maiddái eŋgelasgillii. 
  • Oahpahusbáiki: Sámi allaskuvllas.
  • 20 oahppočuoggá.
  • Oahppoovttadat lea oassin boazodoallooahpuid bacheloras, ja sáhttá maid leat oassin eará bacheloroahpuin.
  • Oahppoplána
  • Deaivvadanplána

Háliidat go eanet oahppat boazodoalu lágaid ja riekteipmárdusaid birra?

Dán oahpus don beasat iešguđet fáttáid vuođul čiekŋudit boazodoalu gustovaš lágaide ja boazosámi riekteipmárdusaide. Don beasat earret eará oahppat boazodoalu riektehistorjjá, siidavuogádaga birra ja dan sajádaga lágas, boazodoalu siskkáldas vuoigatvuođačielggademiid birra, boazologuheiveheami, boazodoalu riektesuodjaleami ja boazodoalu beroštumiid vuhtiiváldima servodatplánemis.

Don beasat oahppat movt boazodoalu lágat, riektepraksis ja sámiid vieruiduvvon dábit doibmet ovttas. Maŋŋel go dán oahpu leat čađahan de don dieđát siiddaid ja boazodoalu láhka- ja vuoigatvuohtavuođu ja riekteipmárdusaid váldogažaldagaid, ja máhtát digaštallat boazodoalu čuolmmaid álgodási boazodoallorievtti vuođul.

Oahppu lea 20 oahppočuoggá, ja das leat 3 deaivvadeami:

1. deaivvadeapmi 28.-30.8.19 – 3 beaivvi

2. deaivvadeapmi vahkku 41 – 5 beaivvi

3. deaivvadeapmi vahkku 43 – 5 beaivvi

Oahpahus lea dárogillii ja sámegillii. Logaldallit leat earret eará professor Øyvind Ravna, professor Mattias Åhren, vuosttašamanueansa Mikkel Nils M. Sara ja servodatdutki Jan Åge Riseth. Lohkanbadjeplána almmuhuvvo suoidnemánu álggus.

Oahppu lea čiekŋudanoahppu, ja dus ferte ovddalgihtii leat juogo BOA 105 dahje ahte leat čađahan unnimusat 60 oahppočuoggá servodatfágain. 

Sisabeassangáibádusat

Studeanta galgá leat čađahan BOA105, boazodoallorievtti vuođđooahppu dahje vástideaddji oahpu. Studeanttat geat leat čađahan unnimusat 60 oahppočuoggá servodatfágain besset maid sisa ohppui.

Koordinator

mikkelns's picture
Sara, Mikkel Nils M
Phone: 
E-mail: 
Mikkel-Nils-Mikkelsen.Sara@samiskhs.no