Obbalaš bagadusat

(Ođastuvvon borgemánu 5.b. 2020)

Geassemánu 15. beaivvi rájes leat fas visot allaskuvllat ja universitehtat ollásit rahppojuvvon. Sámi allaskuvla čađaha eanas doaimmaid Diehtosiiddas 35. vahku rájes.

Allaskuvla dárkkista geažos áiggi gustovaš njoammuneastadannjuolggadusaid vai lágideamit sáhttet čađahuvvot. Dárkilit njoammuneastadeami doaibmabijuid bagadus boahtá deike ovdal álggahanvahku. 

Digitála lágideamit
Eanaš lágideamit lágiduvvojit maid digitálalaččat, nu ahte daid sáhttá neahta bokte maid čuovvut jus iešguđet sivaid geažil ii beasa oahppobáikái.  

Deháleamos njoammuneastandoaimmat máid buohkat galget čuovvut, leat:

1. Buohcan ja erren (geahča errenbagadusa dás vuollelis)

  • Jus leat buohcci dahje illáveaje, de galggat orrut ruovttus.
  • Jus leat erremis, de it galgga boahtit Diehtosiidii.

2. Ráinnasvuohta

  • Basa gieđaid dávjá ja dárkilit loika sáibočázis. Jus ii leat čáhci, geavat giehtasprihta.
  • Gastit ja gossat galgá njunnebáhpira sisa máid bálkestat, dahje jus ii leat bábir, de giehtagávvii.
  • Basa gieđaid ovdal go guoskkahat ámadaju ja ovdal go boradat.

3. Doalat gaskka eará olbmuide

Dilli sáhttá fáhkkestaga rievdat, ja nu maiddái doaibmabijut. Dan birra dieđihit dáppe neahttasiiddus.

4. Mátkkošteapmi

Buohkat geat bohtet Norgii dakkár guovllus máid Norgga ráđđehus lea merken ruoksadin ja ránisin kárttas, sii galget 10 beaivvi erremii go bohtet Norgii. 

Bagadus jus leat erremis

Dus lea alddát ovddasvástádus čuovvut mielde makkár njuolggadusat gustojit áiggis áigái. Mii rávvet geahččat Norgga Álbmotdearvvašvuođainstituhtta neahttasiiddu dieđuid errema ja isolašuvnna birra.

Olbmuide geat bohtet riikkain main čuovvu errengáibádus, leat dákkár njuolggadusat:

  • Errenáigi lea 10 jándora go boađát Norgii.
  • Sáhtát ovttastallat singuin geaigguin orut ovttas, muhto ale mana guossástallat.
  • It galgga mannat bargui, it ge skuvlii.
  • It galgga mátkkoštit riikkas, it ge mannat olgoriikii.
  • It galgga geavahit almmolaš sáhtuid nu go busse, girdi jna.
  • Galggat garvit mannat dakkár báikkiide gos leat váttis doallat gaskka.
  • Váldonjuolggadus lea ahte it galgga almmolaš báikkiide mannat, nu go rámbuvrraide ja boradanbáikkiide. Jus ii leat vejolaš earaládje čoavdit diekkár earániid, de sáhtát fitnat rámbuvrras dahje apotehkas. Fertet unnimusat 1 mehtera gaskka doallat earáide.
  • Sáhtát fitnat olgun, muhto galgá mehtera gaskka doallat earáide.

Jus leat erremis danin go leat buohcci dahje illáveaje

Jus dus lea feber dahje eará korona buozanvuođamearkkat, de galggat isoleret iežat nu jođánit go vejolaš, ja váldit oktavuođa doaktáriin tlf 116 117. Go leat isolašuvnnas:

  • It galgga ovttas singuin geaigguin orut seamma sajis.
  • Idjadanbáikkit mat eai leat heivehuvvon isolašuvdnii, eai galgga geavahuvvot. Omd. campingsadji dahje dakkár báiki gos juogadat earáiguin gievkkana, basadanlanja jna.
  • Jus orut SSO studeantaásodagas, váldde oktavuođa SSO:in tlf 934 77 201, vai sii sáhttet bidjat dárbbašlaš doaibmabijuid.