Manne Sámi allaskuvlii?

Sámi allaskuvla lea huksen gelbbolašvuođa alit oahpus 31 jagi. Sámi allaskuvllas leat oahpaheaddjit geat máhttet giela, ipmirdit sámi servvodagaid dárbbuid ja kultuvrraid. Sin gelbbolašvuođain ráhkkanahttet studeanttaid lávket bargodillái.

Jus leat sámi nuorra geas leat ambišuvnnat bargat oahpaheaddjin, gielain, dujiin, boazodoalloáššiiguin, servvodagain, filbmabargiin, journalistihkain dahje dutkiin, de oza Sámi allaskuvlii.

Sámi allaskuvlla loahpandoalut 2019s.

Picture

Sámi studeanta, sámi boahtteáigi.

Picture

Sámi allaskuvllas oaččut nanu fágalaš vuođu ja seammás ovdánat persovnnalaččat. Don dovddiidat iešguđet gielladiliide ja servvodagaide Sámis. Don oahpat váldit vuhtii sámi dárbbuide ja maiddái oahpásmuvvat daidda beliide main lea buoridanmonni. Go leat geargan oahpuin, de leat don mielde gokčame sámi servvodaga dárbbuid ja seammás hukseme sámi servvodaga iežat gelbbolašvuođain.  

Picture

Buoremus diehtu ja máhtu.

Picture

Okta dain vuosttáš studeanttat Sámi allaskuvllas.