Dáhpáhusat:

Fágabeaivvit
22. cuoŋománu, 08:00 - 23. cuoŋománu, 15:00

Sámi pedagogalaš fágabeaivvit

Visot Sámi allaskuvlla seminárat ja konferánssat mat lágiduvvot dán mánus gitta geassemánnui maŋiduvvojit. Eanet dieđut bohtet dán birra.

Symposia
03. Geassemánnu, 08:00 - 04. Geassemánnu, 16:00

Sámegiela ja girjjálašvuođa symposia

Sámegiela ja sámi girjjálašvuođasymposia mii galggai lágiduvvot Sámi allaskuvllas geassemánu 3. ja 4. b. 2020 lea našunála corona-virusa eastadeami doaibmabijuid geažil maŋiduvvon. Lágidanjoavku ovttasráđiid Sámi allaskuvlla jođihangottiin máhccá ođđa dieđuiguin go dilli čielgá.

konferánsa
27. golggotmánu, 09:00 - 29. golggotmánu, 15:30

SÁMI OAHPAHUSKONFERÁNSA 2020

Sámi oahpahuskonferánsa 2020 lea našunála koronavirusa eastadeami doaibmabijuid geažil maŋiduvvon čakčii. Plánejuvvon áigi doallat konferánssa lea golggotmánu 27.b. -29.b. 2020. Mii šállošit liigebarggu ovddas ja lágidanjoavku máhccá ođđa dieđuiguin jus ođđa plánejuvvon áigemearri rievdá.

Rabasbeaivi
04. njukčamánu, 10:30 - 14:30

Min skuvla, du boahtteáigi

Leat go jurddašan iežat boahtteáiggi birra? Dieđat go makkár vejolašvuođaid Sámi allaskuvlla oahput fállet? Sámi allaskuvllas lea rabasbeaivi buohkaide. Dáppe beasat gullat makkár oahppovejolašvuođat dus leat. Fina gáfestállame ja humadeame minguin.

Prográmma: 

10:30 - 11:00 Guoimmuheapmi ja sáhkavuorut, Sáhkaskáiddis

11:00 - 14:00 Diehtojuohkináigi, kantiinnas

14:00 - Loahpaheapmi ja vuorbádeapmi, Sáhkaskáiddis

Guossohuvvo snoahpámuš dii. 11:00 rájes. Gáffe ja eará jugus guossohuvvo olles beaivvi. 

Mis lea gilvu gos lea vejolaš vuoitit fiinna vuoittuid!