Buozalmasjávkan ja iešdieđáhus

(Rievdaduvvun 12.08.20)

01.06.20 rájes leat dábálaš iešdieđáhusnjuolggadusat mat gustojit, dat guoská maiddái koronarelaterejuvvon jávkamiidda. Geassemánu 1. b. rájes it sáhte šat gáibidit beassat atnit iešdieđiheami daid vuosttaš 16 beaivvi go lea buohcci, váikko leage covid-19-buozálmasvuohta.

Seammá beaivvi rájes gusto maid dat njuolggadus ahte galggat leat bargan bargoaddi luhtte unnimus guokte-2-mánu go/jus galggat beassat atnit iešdieđiheami.

Eambbo dieđuid sáhtát oažžut bargiidossodagas personal@samiskhs.no

Erren- ja buozalmasvuođadieđuid gieđahallan

Jávohisgeatnegasvuohta ja GDPR
Ovttaskas bargi sivva jávkamii lea čadnon sihke jávohisgeatnegasvuhtii hálddašanlága §13 ja GDPR-njuolggadusaid vuođul. Bargoaddis ii leat álgovuorus vejolašvuohta daid mearrádusaid vuođul juohkit dieđuid ovttaskas bargi birra siskkáldasat bargiide dahje earáide. Bargi sáhttá dattege mieđihit bargoaddái dákkár dieđuid juohkit. Mieđáhus galgá leat addon eaktodáhtolaččat ja lea dehálaš ahte dieđut eai juhkkojuvvo viidát go dan masa bargi lea miehtan.

Diehtojuohkin erremis- ja buozalmasvuođas
Jus ovttaskas bargis duođaštuvvo koronadávda, de čuovvulahtta suohkana dearvvašvuođabálvalus bargi ja su oktavuođaid, gustojeaddji njuolggadusaid vuođul, sihkkarastin dihte dohkálaš dearvvašvuođaveahki ja guorrat njoammuma. Geahča eambbo dás.

Deattuhuvvo ahte bargoaddi sáhttá juohkit dieđuid siskkáldasat jus muhtin bargi lea erremis dahje lea njommon koronadávdii, jus dat lea áibbas dárbbašlažžan sihkkarastit dohkálaš bargibirrasa. Dákkár áššiin galgá dahkot sierra árvvoštallan ja suohkandoavttir galgá leat mielde dan árvvoštallamis. Árvvoštallan galgá dahkkot ovttasráđiid bargiin, go lea dehálaš vuhtiiváldit bargi árvvolašvuođa ja integritehta. Geahča eambbo Datatilsyna siiddus dás. Dákkár dilálašvuođain eai galgga juhkot eambbo dieđut go dárbbašlaččat.