Bargit geat rasttildit riikarájáid

 Ođastuvvon skábmamánu 12.b. 2020

Makkár guovllus boađát?

Sámi allaskuvla ávžžuhus lea ahte unnimus lági mielde matkkoštit, dan sivas go dál lea lassánan dávda servodagas juohke riikas. Čuovo fal mielde Álbmotdearvvašvuođainstituhta kártta mii čájeha makkár guovllut Europas leat ruoksadat/fiskadat. Rukses ivdni mearkkaša ahte galggat 10 jándora erremii go boađát Norgii, ja ovdal go boađát bargosadjái. Fiskes ivdni fas mearkkaša ahte it dárbbaš erremii jus leat dearvvaš.

Álbmotdearvvašvuođainstituhtta addá dál vahkosaččat rapportta mas boahtá ovdan makkár riikkain/guovlluin ii dárbbaš/dárbbaša erremii go boahtá Norgii. Geahča raportta 11.11.20 dás.

Jus lea áibbas dárbbašlaš mátkkošteapmi, de sáhttá bargiidossodat čállit bargooktavuođaduođaštusa bargái. Duođaštusa diŋgojumi sáddet personal@samiskhs.no 

FUOMÁŠ! Bargi lea ieš ovddasvástideaddji iskat galgá go erremii maŋŋil riikarájiid rasttildeami, ja man guhká errenáigodat lea. Bargi ferte ieš dárkkistit njuolggadusaid ovdal go vuolgá gosa ge. 

Movt jus dávjá šattat mátkkoštit riikarájiid badjel?

Bargit geat bohtet “rukses” riikkain/riikaosiin galget čađahan errenáigodaga ovdal go bohtet bargosadjái. Sii geat bohtet rukses riikkain fertejit čájehit negatiivvalaš covid-iskosa ráji nalde mii ii leat boarráset go 72 diimmu, ja ferte juohke goalmmát beaivvi váldit ođđa covid-iskosa.

  • Ii guoskka olbmuide geat bohtet bargui rádjesuohkaniin Ruoŧas ja Suomas, ja geat jeavddalaččat rasttildit rájáid​. FUOMÁŠ! 14.11.20 rájes eai beasa  Ruoŧa Norrbottenis Norgii dán njuolggadusa mielde.
  • Rádjerasttideaddjit fertejit Norggas váldit iskosa juohke goalmmát beaivvi errenáigodagas​.
  • Fertejit bargosajis garvit lagas oktavuođa earáiguin vaikko beasságe spiehkastit errengáibádusas bargosajis​. Ii ge beasa fysalaččat oahpahusas mielde.
  • Ferte leat dohkálaš orrunsadji go boahtá Norgii (sierra ássodat ja mas nagoda garvit earáiguin oktavuođa). Bargoaddi fállá dakkár orrunsaji.