Publications

Sámi dieđalaš áigečála
Sámi dieđalaš áigečála lea dieđalaš áigečála, man Sámi allaskuvla ja UiT Norgga árktalaš universitehta Sámi dutkamiid guovddaš almmuhit ovttasbarggus. Sámi dieđalaš áigečála lea almmustuvvan bábirhámis jagi 1994 rájes, ja jagi 2013 rájes dat lea maiddái elektrovnnalaš áigečála, mii lea nuvttá ja rabas buohkaide. Vuosttaš ollislaš elektrovnnalaš nummarat leat jagiin 2010–2013, ja boahtteáiggis dáppe almmustahttojit sihke ovddit ja buot boahttevaš nummarat.


Dieđut 

Dieđut lea máŋggadieđalaš čála-ráidu, man Davviriikkaid Sámi Instituhtta lea almmustahttán 1974 rájes. Čálaráidu gaskkusta sámedutkama bohtosiid. Davviriikkaid Sámi Instituhtta lea ovttastuvvan Sámi allaskuvllain, muhto Dieđutráidu almmuhuvvo nu go ovdal. Dieđut-ráiddus almmuhuvvojit sihke artihkkalčoakkáldagat ja sierranas dutkamušat servodat-,  gielladutkamis ja láhkadiehtagis. Almmuheamit leat sáme-, dáro-, ruoŧa-, suoma-, eŋgelas- ja ruoššagillii.

Dieđut-ráiddu váldodoaimmaheaddji lea Gunvor Guttorm. Doaimmahusgottis čohkká Marit Breie Henriksen. Doaimmahusčálli lea Nils Ole Skum. Váldde oktavuođa váldodoaimmaheddjiin Gunvor Guttormiin jus dus lea giehtačálus maid háliidat almmuhit Dieđut-girjin: gunvor.guttorm@samiskhs.no

Dieđut-girjjiid sáhttá Diehtosiidda ovdakantuvrras oastit, dahje diŋgot mailla bokte dán adreassas: per-vilhelm.soderbaum@samiskhs.no.

 

 

 

 

 
Filesize: 314 KB