johankk's picture
Kalstad, Johan Klemet
Professor Emeritus

Contacts

E-mail: 
johankk@samiskhs.no

General information

Johan Klemet Hætta Kalstad, dr.polit. ja professor emeritus

Mu servodatdieđa doavttergráđa fáddan lei boazodoallu ealáhussan ja sámekultuvran. Das lean govvedan boazodoallopolitihka ulbmiliid birgejumi ja kultuvrra dáfus dimenšuvnnaid vuođul. Daid áiggiid čállen ja almmuhin artihkkaliid árbevirolaš máhtu birra. Árbevirolaš máhtu vuođul lean maid guorahallan birgejumi boazodoalus.

Earet doavttirgrádabarggu lean almmuhan artihkkaliid boazodoallopolitihka birra dáro- ja eŋgelasgillii. Čujuhan https://www.cristin.no/as/WebObjects/cristin.woa/wa/personVis?type=PERSO....
Maŋemus moadde jagi lean dutkan sámepolitihka ođđa áiggis Norggas. Ođđa áiggi lean ipmirdan áiggiid maŋŋel nuppi máilmmisoađi 1945. Dan áiggis leat áigodagat sámepolitihka dáfus. Vuosttáš áigodaga earenoamáš dovdomearka lea Norgga sámepolitihka molsašupmi almmolaš dáruiduhttimis sámeálbmoga seailluheapmái sámegiela ja kultuvrra dáfus. 1970-loguin álgá ođđa áigodat ja mii bistá sámedikki ásaheapmái 1989. Áigodaga sámepolitihka dovdomearkan lea sámevuođa nanusmahttin sámekultuvrra ođasteami bokte. Sámeálbmoga oktasašvuohta lea das oassin, ja ČSV-lihkadus lea earenoamáš dan áigodaga sámepolitihkas. Goalmmát áiggodat lea Sámedikki ceggen ja Norgga stáda interveren sámepolitihka.
Dál lean čállime sámedutkama álggaheami ja institušunaliserema birra organisašunteoriija vuođul.

Lean almmuhan artihkkala Sámi dieđalaš áiggečállagis. Neahtas http://site.uit.no/aigecala/