Joatkkaoahput oahpaheddjiide

Suomagiella 2 joatkkaoahppun 5.-10. ceahki vuođđoskuvlaoahpaheddjiide

  • Oahpahusgiella: Suomagiella
  • Oahpahusbáiki: Sámi allaskuvllas ja vejolaččat oassi neahta bokte
  • 30 oahppočuoggá
  • Fágaplána

Suomagiella 2 lea oahppofálaldat oahpaheddjiide ja giellaberošteddjiide geain lea suomagiella 1 dahje suomagiella oassin dábálašfágaoahpaheaddjeoahpus ja háliidit hukset iežaset gelbbolašvuođa.

Sisdoallu:

Oahpahusa fáttát leat čadnon giela ja girjjálašvuođa oahpahussii vuođđoskuvlla oahppoplánaid mielde sihke Suomas ja Norggas. Suomagiella 2:is čiekŋudit suomagiela 1 fáttáide. Oahpahusa vuolggasadjin leat giellaoahppanproseassat, erenoamážit suomagiella sámegielagiidda, lohkan ja čállin skuvllas ja girjjálašvuođa oahpahusmetodat. Suomagiella 2 lea maiddái čiekŋudeapmi suomagiella nubbingiellan ja amasgiellan didaktihkkii. Oahpahusgiella lea suomagiella.

Sisabeassangáibádusat

Čađahuvvon oahpaheaddjeoahppu mii addá gelbbolašvuođa oahpahit 5.-10. ceahkis. Čađahuvvon Suomagiella 1 dahje vástideaddji 30 oahppočuoggá suomagielas.