Álgokursa sámegielas

SÁM Davvisámegiella praktihkalaš dilis - álgooahppu 1. oassi (Gáivuonas/Kåfjord)

  • Oahpahusgiella: Davvisámegiella
  • Oahppobáiki: Olmmáivákkis, Gáivuonas
  • 15 oahppočuoggá
  • Lohkanbadjedivat: 400 ruvnnu.
  • Giđđat 2018 oahpaheapmi lea vahkuid 7, 9, 11, 15, 18 ja 22
  • Kursaplána
  • Oahppoplána

Giellasiida lágida ovttasráđiid Sámi allaskuvllain sámegiela álgogurssa mas oahppit ožžot oahppočuoggáid. Gurssas leat 150 diimmu masa oahpaheaddji searvá, ja 150 diimmu mas oahppit ieža galget okto dahje gaskaneaset oahpahallat. Gursa álgá Olmmáivákkis govvamánu 12. b. 2018.

Giđđat 2018 oahpaheapmi lea vahkuid 7, 9, 11, 15, 18 ja 22. Njálmmálaš eksámen lágiduvvo geassemánus ovttasráđiid Sámi allaskuvllain. Eksámen vahku šaddet maid guokte oahpahusbeaivvi.

Gáivuona suohkana bargit sáhttet ohcat bálkáhuvvon virgelobi searvat sámegiela gursii. Jus Sámediggi juolluda ruhtadoarjaga dasa, sáhttet demeansabuhcciid oapmehaččat ja váhnemat geain leat mánát sámegiel mánáidgárddis dahje vuođđoskuvllas ohcat doarjaga Gáivuona suohkanis searvat gursii. Gáivuonahat sáhttet ohcat sámegiela oahppostipeandda.

 

Eanet dieđuid addá Inger Åsli, tlf. 77 71 92 32.

Dieđihanáigemearri: 19.1.2018.

 

Gurssat álggahuvvojit jus leat doarvái oasseváldit. Dieđit Sámi Allaskuvlii samas.no ja Giellasiidii: giellasiida@kafjord.kommune.no

Studieplan
Filesize: 505 KB

Sisabeassangáibádusat

Oahppu lea álggahalliide, geat eai máhte hupmat eaige čállit sámegiela.
Forskrift om opptak til høyere utdanning vuođul álgogurssaide ja lohkanbadjeohppui ii gáibiduvvo oppalaš lohkangelbbolašvuohta jus ohccis lea sámi gullevašvuohta daid njuolggadusaid vuođul maid ásahus lea mearridan. Mearrádus guoská sidjiide geain lea sámi gullevašvuohta dáid čuoggáid vuođul

  •  Sápmelaš gii lea massán giela, ja gii háliida oahppat sámegiela, dahje
  •  Bargi almmolaš ásahusas sámegielat guovllus gii háliida oahppat sámegiela, dahje
  •  Eará (omd. ohcci orru sámi bearrašis dahje sámi guovllus ja háliida oahppat sámegiela)

Oahpus leat gitta 12 oahpposaji, main 6 oahpposaji várrejuvvojit ohcciide geat leat ožžon Gáivuona suohkanis ekonomalaš doarjaga searvat ohppui. Loahppa oahpposajit vuoruhuvvojit čuovvovaččat:
1. Sápmelaččat geat leat massán giela, ja geat háliidit oahppat sámegiela
2. Bargit almmolaš ásahusain sámegielat guovlluin geat háliidit oahppat sámegiela
3. Earát (omd. ohccit geat orrot sámi bearrašis dahje sámi guovllus ja háliidit oahppat sámegiela)
Ohccit galget čállit motivašuvdnareivve mas čilgejit guđe čuoggá vuođul ohcet oahpposaji.

Oahppu álggahuvvo eavttuin ahte unnimusat 5 ohcci vuostáiváldet oahpposajifálaldaga.