BA - Sierra kursa

SAM 180 Sámegiela geavaheapmi almmolaš gulahallamis

  • Oahpahusgiella: Davvisámegiella
  • Oahpahusbáiki: Sámi allaskuvllas
  • 15 oahppočuoggá (7,5 oč 2018 giđa ja 7,5 oč 2018 čavčča)
  • Oahppoplána

Oahpahusa vuođđojurdda lea olahit sámegiela gealbbu, mii dárbbašuvvo sámegiela geavaheapmái almmolaš oktavuođain. Oahpu ulbmil lea ahte studeanttat nagodit lohkat ja čállit sámegillii almmolaš teavsttaid, heivehit ođđa sániid sámegillii loatnasátnin ja leat dihtomielalaččat eanetlogugielaid váikkuhusain sámegillii. Studeanttat galget hárjánit geavahit sámegiela vuođđogiellan barggusteaset.

Oahppu lea jurddašuvvon olbmuide, geat beaivválaččat barget sámegielain ja geavahit sámegiela bargogiellan. Dat heive maid earáide, geat háliidit nannet sámegiela gelbbolašvuođaset.
Čuovvovaš fáttát leat guovddážis oahpahusas:
1. Riektačállin
2. Iežas suorggi fágadoahpagat
3. Gielladikšun
4. Sámegiella bargogiellan

Sisabeassangáibádusat

  • Oppalaš lohkangelbbolašvuohta dahje reálagelbbolašvuohta ja sámegiella.
  • Sámegiela gáibádusa sáhttá deavdit čuovvovaš vugiid mielde:
    • Norgga joatkkaskuvllas sámegiella 1. dahje 2.giellan.
    • Suoma logahagas eatnigielladutkkus dahje guhkes amasgielladutkkus.
    • Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá).
  • Dahje vástideaddji sámegieloahppu doaibmi njuolggadusaid mielde.
  • Sámegiela gáibádusa sáhttá maid deavdit sámegiela lohkanbadjeoahpuin (30 oahppočuoggá) dahje vástideaddji oahpuin dahje ceavzit giellageahččaleami maid Sámi allaskuvlla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvon dan vuođul.
  • Oahpus leat 20 oahpposaji, main vuoruhuvvojit ásahusaid ja organisašuvnnaid bargit, geain lea sámegiella bargogiellan.

Koordinator

johnhe's picture
Eira, John Henrik
Phone: 
E-mail: 
John-Henrik.Eira@samiskhs.no