BA - Sierra kursa

SÁM 108 Davvisámi fonetihkka, fonologiija ja čállinvuogit

Sisdoallu:
Oahpu ollislaš sisdoallu leat davvisámi njálmmálaš ja čálalaš giela gaskavuođatsihke dálá áiggi ja ovdalaš áiggiid.
Oahpahusa oasit leat dát:

  • hállanorgánaid doaibma, namalassii mo dat duddjojit jietnadagaid.
  • mo hállangiella adno čállima vuođđun, ovddemustá hállama jienalaš hápmi ja sátnehámiid fonologalaš hápmi.
  • mo davvisámegiela giellajietnadagaid ja daid erohusaid ja ovttaláganvuođaid sáhttá govvidit dieđalaččat ja čálalaččat.
  • suoma-ugralaš gielaid jietnadatčállima geavahus oahpahuvvo čállinhárjehusaiguinja lohkanhárjehusaiguin.
  • logaldagat ja artihkkalat čilgejit davvisámegiela čállingiela historjjás 1728 rájis otnážii, dálá čállingiela gielalaš vuođu ja oanehaččat maiddái eará sámegielaid čállingielaid historjjálaš duogážis.
  • logaldagat J.A. Friisa, Konrad Nielsena, Erkki Itkonena ja earáčállinvugiid birra.
  • geavatlaš čállinvuohkečállinhárjehusat ja čilgenhárjehusat.

Oahppu lea oassin Sámegiela ja sámi girjjálašvuođa bachelorprográmmas, muhto lea rabas eará studeanttaide maid.

Sisabeassangáibádusat

  • Oppalaš lohkangelbbolašvuohta dahje reálagelbbolašvuohta ja sámegielmáhttu.
  • Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje guhkes amasgielladutkkus ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul

Koordinator

johnhe's picture
Eira, John Henrik
Phone: 
E-mail: 
John-Henrik.Eira@samiskhs.no