MA - Sierra kursa

OKT 304 Sámegiella ja sámi girjjálašvuohta- dutkanhistorjá

Dát oahppu lea oassin sámegiella ja sámi girjjálašvuođa masterprográmmas, ja dan sáhttá lohkat ovttaskas oahppun.

Oahpus oahpasnuvat sámegiela ja sámi girjjálašvuođadutkama historjái, 1600-logu rájes dálá áigái. Oahpus guorahallat sámegiela ja sámi girjjálašvuođa guovddáš dutkansurggiid ja dain geavahuvvon metodaid ja materiálaid. Oahpus čiekŋut dáládutkamii čálalaš ja njálmmálaš bargguid veahkkin.

Sisabeassangáibádusat

Sisabeassangáibádussan leat Sámegiela ja sámi girjjálašvuođa masterprográmma oppalaš sisabeassangáibádusat mat leat čilgejuvvon oahppoprográmmaplánas.