BA - Sierra kursa

JOU Ođasjournalistihkka 2

  • Oahpahusgiella: Davvisámegiella, muhto skandináva gielat ja eŋgelasgiella sáhttet geavahuvvot. 
  • Oahpahusbáiki: Sámi allaskuvllas, neahttavuđot prográmmat sáhttet geavahuvvot logaldallamis, bagadallamis ja sisabuktimis.     
  • 15 oahppočuoggá
  • Oahppu lea oassin Sámi journalistihka bacheloroahpus, ja joatkka Ođasjournalistihkka 1 oahpus
  • Oahppoplána

Studeanta galgá Ođasjournalistihka 2 oahpus čiekŋudit váddáset ođasáššiide. Oahppá digitála reaidduid bokte ohcat ođđasiid ja dehálaš ođasgáldun šaddet maid elektrovnnalaš poastajournálat. Studeanta oahppá juogadit ideaid ja dieđuid vai joavkkut ovttasráđiid ohppet buvttadit ođđasiid, numo stuorát doaimmahusain. Kriminálajournalistihkka lea ođđa fáddá ja studeanttat šaddet čuovvut dikki ja ráhkadit ođasášši dikkis. Studeanta bargá áicamin ja oahppá maiddái mo láhttejit ođasbarggus vai lea luohtehahttin.

Sisabeassangáibádusat

Studeanta ferte leat čađahan Ođasjournalistihka 1 dahje vástideaddji oahpu ovdal beassá Ođasjournalistihkka 2 ohppui.

Oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta ja sámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

Somby, Liv Inger
Phone: 
E-mail: 
Liv-inger.Somby@samiskhs.no