BA - Sierra kursa

JOU Journalistihka giellagáhtten 2

  • Oahpahusgiella: Davvisámegiella, muhto skandináva gielat ja eŋgelasgiella sáhttet geavahuvvot. 
  • Oahpahusbáiki: Luohkkálatnjaoahpahussan Sámi allaskuvllas ja/dahje neahttaoahpahussan        
  • 5 oahppočuoggá
  • Oahppu lea oassi Sámi journalistihka bacheloroahpus ja joatkka Journalistihka giellagáhtten 1:is
  • Oahppoplána

Journalistaoahpu giellagáhtten 2:žis deattuhuvvo riektačállin ja davvisámegiela hápmeoahppa. Logaldallamiin gieđahallojuvvojit morfofonologalaš nuppástusat (diftoŋgga njuolgan, dássemolsašuddan, soggevokála ja máttakonsonántta molsašuddamat), vearba- ja nomensojaheapmi ja oamastangehčosiid sojaheapmi. Studeanta hárjehallá giela ráhkadussii gullevaš áššiid hárjehusaid ja journalisttalaš teavsttain čoggojuvvon ovdamearkkaid vuođul. Studeanta hárjehallá fuobmát iežas čállinmeattáhusaid ja -čuolmmaid ja ohcat daidda buoridanevttohusaid.

Sisabeassangáibádusat

Ohccit fertejit leat čađahan Journalistihka giellagáhtten 1 dahje vástideaddji oahpu ovdal besset Journalistihka giellagáhtten 2:ii.

Oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta ja sámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

livis's picture
Somby, Liv Inger
Phone: 
E-mail: 
Liv-inger.Somby@samiskhs.no