BA - Sierra kursa

DUO Bistevaš design

Oahppu fállá duddjomis ja designemis (hábmemis) praktihkalaš ja teorehtalaš vuođđodieđuid, maiguin viiddidit studeantta máhttima. Oahpahusas vuodjut dávviriid sierralágan duddjoma ja designa vugiid, teknihkaid, reaidduid  ja ávdnasiid geahččaleapmái. Duddjoma ja designa lahkoneamis lea vuolggasadjin bistevaš ovdáneapmi. Oahpahusas deattuhuvvojit sámiid ja eará eamiálbmogiid duddjonvuogit, mat lea hutkás bargama vuođđun.

Oahppu heive duoji bachelorii čiekŋudanfágan. Dat sáhttá leat maiddái doarjjafágan dahje válljenfágan eará bachelorprográmmain dahje eará oahpuin.

Sisabeassangáibádusat

  • Sámi allaskuvlla vuođđooahpuid oppalaš sisaváldingáibádusat leat oppalaš lohkangelbbolašvuohta dahje reálagelbbolašvuohta ja sámegiella.
  • Duojis ohcci galgá duođaštit duodje- dahje dáidda- ja hábmen fágalaš gelbbolašvuođa, mii sáhttá leat
    • Fágabreava duojis
    • Duodjeoahput duodjeskuvllas dahje eará vástideaddji duodjeoahppu.
    • Ohcciin geain lea duddjonhárjáneapmi, galget hárjáneami duođaštussan buktit sisa vihtta iešguđetlágan duoji.

Ohccit guđet čađahit Sámi allaskuvlla Duoji bachelora oahppoprográmma (180 oč), čuvvot dan prográmma- ja progrešuvdnaplána.

 

Sámegiela gáibádusa sáhttá deavdit čuovvovaš vugiid mielde:

  • Norgga joatkkaskuvllas sámegiella 1. dahje 2. giellan,
  • Suoma logahagas eatnigielladutkkusdahje guhkes amasgielladutkkus
  • Ruoŧa bealde gymnásas eatnigiellan (modersmål 200 čuoggá) dahje ođđaáigásaš giellan (moderna språk200-300 čuoggá).
  • Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin, dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

Koordinator

brittaml's picture
Marakatt-Labba, Britta
E-mail: 
Britta.Marakatt-Labba@samiskhs.no

Studenten

– In vuordán ahte galggai ná somá. Háliidan earáide ávžžuhit Sámi allaskuvlla duodjeohppui ohcat. Lean Bistevaš design oahpu čađahan 2014 čakčabájis.
Portrettbilde av Inga Maybritt Bongo
Inga Maybritt Bongo