BA - Sierra kursa

BOA102 Guohtumuš ja guođoheapmi: guohtunšattuid ja guohtuma máhttu

  • Oahpahusgiella: Sámegiella ja vejolaččat skandinávalaš dahje eŋgalas giella
  • Oahpahusbáiki: Sámi allaskuvllas
  • 10 oahppočuoggá

Sisdoallu

Oahpu áigumuš lea guorahallat bohcco guohtumuša, guohtuma ja guođoheami sihke boazosámi máhttovuođu ja iešguđet fágasurggiid lahkonanvuogi bokte.

Oahppanjoksosat

- Dovdat bohcco váldo guohtunšattuid birra.
- Máhttit árvvoštallat ja čilget guohtundilálašvuođaid ja dás maiddái muohtadiliid sihke boazosámi iežaset ipmárdusa ja luonddudiehtagiid dieđuid vuođul
- Máhttit oaidnit movt guohtundilit sáhttet váikkuhit bohccui ja ellui.
- Dovdat movt iešguđetládje árvvoštallet movt guohtumuš váikkuha produktivitehtii ja bohcco buorrevuhtii árbevirolaš ja biologalaš árvvoštallama ja vugiid vuođul.

Eambbo dieđuid gávnnat oahppoplánas dahje koordináhtoris Mikkel Nils Sara

Guohtumus ja guođoheapmi 1 (BOA 102) oahppoplána
Filesize: 354 KB

Sisabeassangáibádusat

  • Oppalaš lohkangelbbolašvuohta dahje reálagelbbolašvuohta ja sámegiellamáhttu.
  • Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje guhkes amasgielladutkkus ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul

FUOMÁŠ: Dehálaš áigemearit

Koordinator

mikkelns's picture
Sara, Mikkel Nils M
Phone: 
E-mail: 
Mikkel-Nils-Mikkelsen.Sara@samiskhs.no