BA - Sierra kursa

BOA101 Boazu ja bohcco ávki/birgejupmi

  • Oahpahusgiella: Sámegiella
  • Oahpahusbáiki: Sámi allaskuvllas ja vejolaččat oassi neahta bokte
  • 20 oahppočuoggá

Sisdoallu

Oahpu áigumuš lea guorahallat bohcco sihke boazosámi máhttovuođu ja iešguđet fágasurggiid lahkonanvuogi bokte, ja maiddái dan movt boazu lea addán ja dán áiggi addá valljodatváriid ja
birgenlági.
Dát oahppu heive bures olbmuide geain lea juogo boazodoalloduogáš dahje boazodoalu vuođđooahppu ja earáide geat barget boazodoalloáššiiguin.

Oahppanjoksosat

Studeanttat galget dáinna oahpuin háhkat
1) máhtu atnit sámi doahpagiid ja bagadallanvugiid ovttaskas bohcco ja boazoealu birra ja
2) vuođđomáhtu bohcco biologalaš proseassaid birra.

Eambbo dieđuid gávnnat oahppoplánas.

Oahppoplána Boazu ja bohcco ávki/ birgejupmi
Filesize: 426 KB

Sisabeassangáibádusat

  • Oppalaš lohkangelbbolašvuohta dahje reálagelbbolašvuohta ja sámegiellamáhttu.
  • Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje guhkes amasgielladutkkus ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

FUOMÁŠ: Dehálaš áigemearit

 

 

Koordinator

mikkelns's picture
Sara, Mikkel Nils M
Phone: 
E-mail: 
Mikkel-Nils-Mikkelsen.Sara@samiskhs.no