golggotmánu 22. beaivi 2018

Sámi ofelaččat álggahit skuvla mátkkoštallama Oslos

Dál leat sámi ofelaččat gergosat galledišgoahttit joatkkaskuvllaid miehtá Norgga. Disdaga lea vuosttaš logaldallan Oslo stuorámus joatkkaskuvllas Kubenis.

Vanja Tørresdal, Eli Karianne Vesterheim Hætta, Ellen Karen Inga Skum ja Maria Gunilla Påve Wilks illudit go dál viimmat besset vuolgit mátkkoštit.  Dássážii dán čavčča leat sii ožžon oahpu Sámi allaskuvllas Guovdageainnus.

– Mii leat gal veahá balus ovdal vuosttaš logaldallama Kubenis, muhto šaddá hui somá viimmat boahtit johtui dáinna bargguin, lohká ofelaš Maria Gunilla Påve Wilks.

Dán vahkku leat sii buot njealjis fárrolaga Oslos, ja galget fitnat álggos vuos Oslo stuorámus joatkkaskuvllas Kubenis disdaga ja gaskavahkku, dasto gis Blindern joatkkaskuvllas duorastaga ja bearjadaga fas Nydalen joatkkaskuvllas.

 

Ordnet Sámi ofelaččat álggahuvvui 2004is. Erna Solberg, gii dalle lei gieldaministtar, dat fuomášii álggahit dán ortnega. Sámi ofelaččat mátkkoštit miehtá Norgga ja logaldallat sámi historjjá, servvodaga ja kultuvrra birra. Ofelašdoaibma galgá addit nuoraide dáža skuvllain deaivvadanbáikki sámi servvodagain sámi nuoraid bokte.

 

Jos háliidat eanet dieđuid dahje govaid, váldde oktavuođa ofelaččaiguin:

Maria Gunilla Påve Wilks tlf 477 60 466
Eli Karianne Westerheim Hætta tlf 480 49 583
Elle Karen Inga Skum tlf 477 14 922
Vanja Tørresdal tlf 477 16621

Eanet dieđut
Marie Elise Nystad, Sámi allaskuvla- Ráđđeaddi

Mob: +47 950 52 984  e -poasta: marie-elise.nystad@samiskhs.no


www.samiskeveivisere.no dahje  Facebook-siidu  “Samiske veivisere