Obbalaš bagadusat

(Ođastuvvon borgemánu 16.b. 2021)

Studeanttat universitehtain ja allaskuvllain eai dárbbat šat doalahit mehtera gaskka oahpahusas oahppojagi álgima rájes 2021 čavčča. Studeanttat fertejit aŋkke muitit mehtera gaska muđui eará sosiála arenain, nu go kantiinnas, girjerádjosis ja muđui Diehtosiiddas.

Dálá njuolggadusaid mielde lea universitehtain ja allaskuvllain vejolaš čađahit fysalaš oahpahusa ja doaluid njoammuneastadan njuolggadusaid ja rávvagiid siskkobealde. Geahča eanet dieđuid FHI neahttasiiddus ja ráđđehusa gustovaš njuolggadusaid dáppe.  

Ráđđehus ávžžuha ain álbmoga čuovvut gustovaš njoammuneastadan doaibmabijuid:
1. Biso ruovttus jus leat buohcci ja váldde iskosa jus leat korona dávdamearkkat.
2. Muitit giehta – ja gossanráinnasvuođa. Basa dávjá gieđaid dahje geavat giehtasprihta jus ii leat čáhci.
 

Oahppojagi álgin lea Diehtosiiddas 
Mii leat ráhkkanan čađahit oahppojagi ja álggahanvahkku fysalaččat Diehtosiiddas borgemánu 16. beaivvi rájes, ja campus lea rabas sihke min studeanttaide ja bargiide.  


Jus dilli rievdá 
Mii dárkkistit geažos áiggi gustovaš njoammuneastadeami njuolggadusaid vai lágideamit sáhttet čađahuvvot oadjebas lági mielde. Mii leat maiddái ráhkkanan dasa ahte dilli sáhttá čakčii rievdat, ja leat gergosat lágidit oahpahusa ja doaluid gustovaš njuolggadusaid mielde. Eanet dieđut bohtet ain dárbbu mielde. 
 

Oahpahus 
Oahpahus čađahuvvo nu go lea oahppoplánaide biddjojuvvon. 
TimeEdit:as sáhtát oaidnit goas iešguđet oahput álget, movt oahpahus čađahuvvo, goas leat deaivvadeamit jnv.: TimeEdit Samisk Høgskole - Sámi allaskuvla 


QR - kodat njoammumiid vuohttin oktavuođas
Dán čavčča leat buot čohkkánsajiide Sáhkaskáiddis ja luohkkálanjaide biddjon QR – kodat. Čoahkkinlanjaide ja eará lanjaide lea koda biddjon uksii. Ulbmil dainna lea erremiid njiedjat jus čuožžila njoammun. 
Mii ávžžuhit min studeanttaid viežžat appa mobiilatelefovdnii ja registreret iežat ovdal go manat oahpahussii, vai njoammunguorran šaddá álkibut. Ná vieččat appa. 

Dat lea dušše suohkanváldodoavttir gii sáhttá váldit dan mearrádusa muhtima isoleret dahje erret, muhto Sámi allaskuvla veahkeha dovdáhit luohkkáid dahje joavkkuid geat soitet leamašan njoammunguoddi lahka.
 

Corona oktavuođas erren
Buohkat geat bohtet olgoriikas Norgii, earret sii geat bohtet ruona riikain/guovlluin Eurohpas, galget leat erremis, muhto das gávdnojit sierra spiehkastagat. Dán siiddus sáhtát geahččat makkár njuolggádusat gustojit dutnje. Váldde "Karantenesjekken" dáppe: Karantensjekk

Sii geat leat ollásit boahkuhuvvon ja sii geain lea leamaš Covid-19 maŋemus 6 mánus, eai dárbbaš mannat erremii. Sii geat leat ožžon vuosttaš boahku gaskkal 3 ja 15 vahkku dassái ja mánát vuollel 18 jagi, fertejit mannat erremii, muhto jus coronaiskkus lea negatiiva de beassá loahpahit errema aramusát 3 jandora maŋŋel go leat boahtán riikii.

FHI siidduin sáhtát lohkat eambbo: www.FHI.no 
 

Koronapassa ja vaksiidna
Koronapassa maid leat ožžon EU ja EØS-riikas, lea dohkkehuvvon Norggás. Studeanttat geat leat váldán Pfeizer, Moderna, Strazenica ja Jansen boahku olggobealde EU ja EØS-riikain (omd. USAs), fertejit registreret dan boahku doaktára luhtte maŋŋel go  leat boahtán Norgii ja leat ožžon Norgga personnummara dahje D-nummara.  


Dárbbašat go koronaboahku?
Studeanttat Guovdageainnu suohkanis geat leat álbmotregistrerejuvvon eará suohkanis, ožžot fálaldaga váldit koronaboahku jus ieža háliidit váldit boahku. 
Studeanttat geat háliidit váldit koronaboahku galget váldit oktavuođa suohkana vaksinkoordináhtoriin gaskal dii. 10:00 - 14:00 bargobeiviid: +47 485 00 784. Jus eai vástit go riŋget, de sii riŋgejit ruovttoluotta nu jođánit go vejolaš. 

Sáhtát digitálalaččat diŋgot áiggi HelseNorge siiddu bokte dahje riŋget boahkuhantelefovdnii: +47 485 00 784.


Eanet dieđut koronavirusa (Covid-19) birra:

- Álbmotdearvvašvuohta (FHI) neahttasiiddus gávnant ođastuvvon dieđuid koronavirusa birra. 

- HelseNorge

- Ráđđehus 

- Boađat go eará riikkas Norgii?

Ráđđehus lea čohkken sierra siidui dieđuid sidjiide geat eará riikkain leat boahtime Norgii. Suoidnemánu 5.b. rájes lea errengáibádus ložžejuvvon go boađát Norgii. Dárkilit dieđut gávdnojit dáppe: Innreisekarantene ved ankomst til Norge - FHI