Sámi oahpahuskonferánsa 2021

Konferánsa lágiduvvo golggotmánu 5.b.-7.b. Diehtosiiddas, Guovdageainnus. Jus ii leat vejolaš čoahkkanit fysalaččat koronavirusa geažil, de lágiduvvo konferánsa neahta bokte.

Mii bovdet mánáidgárdebargiid, -oahpaheddjiid ja -eaiggádiid, vuođđo- ja joatkkaskuvllaid ja alitoahpahusa oahpaheddjiid ja jođiheddjiid, dutkkiid ja studeanttaid juogadit iežaset dutkama.

Konferánssa lávdegoddi áinnas sávvá mánáidgárddiid, vuođđoskuvlla- ja alitoahpahusa ovdanbuktimiid. Konferánssa lávdegoddi árvvoštallá buot ja gávdná daidda heivvolaš saji konferánssa prográmmas.

Fuomáš! Sámi mánáidgárde- ja skuvlaoahpaheaddjit geat dollet ovdanbuktima, eai dárbbaš máksit konferánsadivvaga.

Picture

Konferánsagielat

Konferánsagielat leat sámegiella, eŋgelasgiella ja davviriikalašgielat. Mii sávvat ahte sámegielat logaldallit geavahit sámegiela. Logaldallamat váldokonferánsalanjas dulkojuvvojit.  

Sámi oahpahuskonferánsa lea koronadávdda geažil maŋiduvvon 2021 čakčii. Konferánsa lea golggotmánu 5.b. -7.b. 2021 Diehtosiiddas Guovdageainnus. Konferánssas leat oasit fállun neahta bokte, sierra dieđiheapmi rahppojuvvo borgemánus. Jus ii leat vejolaš čoahkkanit Diehtosiiddas, de konferánsa lágiduvvo neahta bokte.

 

Conference homepage in english: Sámi Education Conference 2021

 

Picture

DIEĐUT JA BOVDEHUSREIVVET

Sámegillii: Dieđut ja bovdehusPDF icon Sámi oahpahuskonferánsii 2021

På norsk: Informasjon og invitasjon tilPDF icon Samisk utdanningskonferanse 2021

På svenska: Information och inbjudan till den PDF icon Samiska utbildningskonferensen 2021

In English: Information and Invitation to thePDF icon Sámi Education Conference 2021

 

Sámi allaskuvla ja Norgga Sámediggi lágidit gaskariikkalaš oahpahuskonferánssa Sámedikki prošeavtta Sámi mánát ođđa searvelanjas (SáMOS-prošeavtta) olis. Konferánssa ulbmilin lea beassat lonohallat eamiálbmogiid oahpahanvásáhusaid ja buktit oidnosii sámi mánáidgárddiid, skuvllaid, ja alitoahpahusa, ja maiddái internationála eamiálbmotoahpahusa, vásáhusaid ja muitalusaid.

Go iešguđet eamiálbmogat lonohallet vásáhusaideaseset, de lea dat doarjjan ja vuođđun eamiálbmogiid pedagogalaš filosofiijai maid pedagogat, oahpaheaddjit ja dutkkit sáhttet ávkkástallat oahpahusas. 

Picture

Konferánssa fáttát:

  • Mánáid ja nuoraid árgabeaivi oahpahusas
  • Luondu oahppama vuolggasadjin
  • Eamiálbmogiid máhtuid ja gielaid nanosmahttin ja ealáskahttin
  • Eamiálbmogiid bajásgeassima ja oahpahusa dekoloniseren

Picture