Videreutdanning for lærere

Servodatfága 2 joatkkaoahppun 5.-10. ceahki vuođđoskuvlaoahpaheddjiide

  • Oahpahusbáiki: Sámi allaskuvllas
  • Oahppokoda: V5SER-6002
  • Oahpahusgiella: Davvisámegiella   
  • Oahpu lágideapmi: Oahppu lágiduvvo geabbilis neahttavuđot oahppun deaivvademiiguin.
  • 30 oahppočuoggá
  • Fága fállojuvvo joatkkaoahppun 5.-10. ceahki vuođđoskuvlaoahpaheddjiide.
  • Oahppoplána
  • Diibmoplána biddjo deike:TimeEdit

Studeanta galgá oahpus háhkat áddejumi historjjálaš, sosiála ja kultuvrralaš oktavuođaide mat váikkuhit servodaga ja birrasa gaskavuođa. Oahppu addá vuođđooahpu internašunála ja báikkálaš dási guovddáš birasgažaldagain

Studeanttaid aktiivvalaš doaimmat, searvebarggut ja iešheanalaš oahpu háhkan leat guovddážis oahppamis. Deaivvademiin, sihke báikkis ja go lea neahttavuđot oahpahusas, deattuhuvvo oahppan joavkkus.

Deaivvademiide gáibiduvvo aktiivvalaš oassálastin, mii mearkkaša searvat oahpahussii, eará studeanttaid bargguid ovdanbuktimiidda ja ságastallamiidda. Iešheanalaš bargui gullet lohkanmeari teavsttaid ja eará diehtoháhkamiid bokte háhkat vuođu fágalaš ságastallamiidda, bargohárjehallanáigodahkii ja sisabuktinbargguide.

Oahpaheddjiide:

Oza stipeandda dehe sadjásašortnega Oahpahusdirektoráhta siidduin https://www.udir.no/kvalitet-og-kompetanse/etter-og-videreutdanning/larere/soknadsprosessen/

Sámi allaskuvlla oahppofálaldagaide sáhttá ohcat ruhtadeami Oahpahusdirektoráhta KfK ortnega bokte. Sáhtát ohcat doarjaga oahppofálaldagaide mat eai leat Oahppodirektoráhta katalogas. De merket ohcamis ahte háliidat ohcat eará oahppofálaldagaide (andre studietilbud). Eará fálaldagat addet vuoigatvuođa seamma eavttuide go dat fálaldagat mat leat oahppokatalogas.  Ohcama ferte rektor ávžžuhit ja skuvlaeaiggát dohkkehit.

Oahpahusdirektoráhta ohcanáigemearri lea 01.03.2021. Go oahppofálaldat ii leat oahppokatalogas, de fertet maiddái ohcat Sámi allaskuvlla ohcanportála bokte.

Filesize: 163 KB

Opptakskrav

  • Čađahuvvon oahpaheaddjeoahppu mii addá gelbbolašvuođa oahpahit 5.-10. ceahkis vuođđoskuvllas
  • Sámegielmáhttu.
  • Ohcci ferte oahppoáiggi leat virgáduvvon oahpahusvirggis vuođđo-dahje joatkkaskuvllas.
  • Čađahuvvon Servodatfága 1 dahje vástideaddji 30 oahppočuoggá servodatfágas.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.